چۆنییەتی ئامادەکردنی تەپسی بە قیمە

سەرەتا

تەپسی بە قیمە یەکێکە لە خواردنە خۆشەکان کە بە ئاسانی ئامادە دەکرێت و تام و چێژێکی تایبەتی هەیە، هەروەها بەهۆی دەوڵەمەندی بە سەوزەواتەکان و گۆشت بڕێکی زۆر ڤیتامین و کانزاکانی تێدایە.

کەرەستەکان

• پیاز
• تەماتە
• بیبەری شیرین
• باینجان
• پەتاتە
• کولەکە
• گێزەر

بەهاراتەکان

• خوێ
• کاری بەهارات
• بەهاراتی تێکەڵ
• زیرە
• بیبەری ڕەش

ئامادەکردنەکەی

کەرەستەکان لەت لەت بکە بە شێوەی ئەڵقە ئەڵقە، ئینجا بەش بەش لە ناو تاوە سووری بکەرەوە و بیخەرە سەر سینی فڕنەکە و چین بە چین دایبنێ.

پاشان قیمەکەی بۆ سووربکەرەوە پاش سوورکردنەوەکەی لەگەڵ دۆشاو و ئاوی گەرم و بەهاراتەکان تێکەڵی بکە و بیکە بەسەر کەرەستەکان و بە کاغەزی ئەلەمینیۆم سەری دابپۆشە، ئینجا بیکەرە ناو فڕن بە پلەی ١٨٠ پلە دایبگیرسێنە و بۆ ماوەی نیو کاتژمێر بیبرژێنە و دوای ئەوە لە فڕنەکە دەریبهێنە و کەرەوزی بۆ وردبکە و بیکە بەسەریدا، پاشان پێشکەشی بکە.

سەرچاوەکان

1. ماڵپەڕی ئینسکلۆپیدیای زانیاری